Танилцуулга
Санхүүгийн мэдээллийн технологийн төв Улсын төсөвт үйлдвэрийн газар нь гааль, татвар, санхүүгийн мэдээллийн нэгдсэн системийн хяналт, программ хангамжийн хөгжүүлэлтийг хариуцан ажиллах чиг үүрэгтэйгээр МУ-ын Засгийн газрын 2016 оны 02 дугаар сарын 22-ны 120 дугаар тогтоолоор үүсгэн байгуулагдсан бөгөөд МУ-ын Засгийн газрын 2024 оны 07 дугаар сарын 31-ны 17 дугаар тогтоолоор байгууллагын нэрийг өөрчлөн, дүрмийг шинэчлэн баталж “Санхүү, татвар, гаалийн байгууллагын үйл ажиллагааг цахимжуулах, мэдээллийн системүүдийн уялдааг хангахад дэвшилтэт технологийг нэвтрүүлж, хөгжүүлэх, системийн тасралтгүй үйл ажиллагааг хангах, санхүүгийн мэдээллийн технологийн чиглэлээр мэргэжил, арга зүйн зөвлөгөө өгөх, санхүүгийн мэдээллийн нэгдсэн санг бий болгохтой холбоотой цогц арга хэмжээг авч хэрэгжүүлэх болон Засгийн газрын харьяа төрийн захиргааны төв байгууллагуудын мэдээллийн технологийн уялдаа холбоог сайжруулахад дэмжлэг үзүүлэх” үндсэн чиг үүрэгтэйгээр үйл ажиллагаагаа явуулж байна.
Алсын хараа
Санхүүгийн салбарын мэдээллийн технологийг хөгжүүлэх, цахим засаглалыг бэхжүүлэх манлайлагч байгууллага болно.
Эрхэм зорилго
Үйлдвэрийн газрын үндсэн зорилго нь санхүүгийн мэдээллийн нэгдсэн системийн хяналт, програм хангамжийн хөгжүүлэлтийг хариуцах замаар санхүүгийн үйл ажиллагаанд мэдээллийн дэвшилтэт технологийг нэвтрүүлж, санхүүгийн албаны мэдээллийн нэгдсэн санг бий болгохтой холбогдсон цогц арга хэмжээг авч хэрэгжүүлэхэд оршино.
Байгууллагын үндсэн чиг үүрэг
Бодлого, даалгавар
Санхүү, татвар, гаалийн байгууллагуудын захиалга, бодлогын даалгаврын дагуу мэдээллийн систем, программ хангамж хөгжүүлэх, тэдгээртэй уялдуулах, мэдээлэл солилцох боломжийг бүрдүүлэх.
Технологийн дэмжлэг
Засгийн газрын Хэрэг эрхлэх газраас ирүүлсэн ажлын даалгавар, албан хүсэлтэд тусгагдсан асуудалд хамаарах үйл ажиллагааг цахимжуулахад мэдээллийн технологийн дэмжлэг үзүүлэх, хамтран ажиллах.
Аюулгүй байдал
Санхүү, татвар, гаалийн байгууллагын санхүүгийн мэдээллийн системийн үйл ажиллагаанд мэдээллийн технологийн дэвшил нэвтрүүлж, аюулгүй байдлыг хангах.
Өгөгдлийн сан
Санхүү, татвар, гаалийн байгууллагын өгөгдлийн сангийн үйл ажиллагаанд дэмжлэг үзүүлэх, мэдээллийн нэгдсэн сан үүсгэх, өгөгдөл боловсруулах, дүн шинжилгээ хийх.
Технологи
Хариуцсан мэдээллийн системийн сайжруулалт, хөгжүүлэлт, нэвтрүүлэлт, тасралтгүй үйл ажиллагааг хангах, техник, технологийн инновацыг үйл ажиллагаандаа нэвтрүүлэх.
Зөвлөгөө мэдээлэл
Санхүү, татвар, гаалийн үйл ажиллагааг цахимжуулах боломжийн талаар судалгаа, шинжилгээ хийх, мэргэжил, арга зүйн зөвлөгөө өгөх.
Системийн уялдаа
Монгол Улсын Засгийн газраас баримталж буй бодлогын хүрээнд төрийн байгууллагуудын мэдээллийн технологийн хамтын ажиллагааг сайжруулж, цахим засаглалын үр ашгийг нэмэгдүүлэх.
Бүтэц зохион байгуулалт
Албан хаагчдын мэдээлэл
Хэрэгжүүлж буй төслүүд
Санхүүгийн мэдээллийн технологийн төв УТҮГ нь санхүү, татвар, гаалийн байгууллагын мэдээллийн нэгдсэн системийн хяналт, программ хангамжийн хөгжүүлэлтийг хариуцах замаар төсвийн орлого бүрдүүлэлт, татварын бааз суурийг нэмэгдүүлэх, төсвийн зарлагын хяналтыг сайжруулах, экспорт, импортын үйл ажиллагааг автоматжуулах, төрийн бусад байгууллагуудын үйл ажиллагаанд мэдээлэл технологийн дэмжлэг үзүүлэх зэрэг төрийн цахим шилжилтэд өргөн цар хүрээтэй ажлыг хэрэгжүүлж байна.
Дэлгэрэнгүй
Санхүүгийн салбарын мэдээллийн технологийг хөгжүүлэх,
цахим засаглалыг бэхжүүлэх манлайлагч байгууллага болно.
Facebook
Twitter
Youtube