Монгол улсын Засгийн газрын 2019 оны 01 дүгээр сарын 30-ний өдрийн 47 дугаар тогтоолоор “Экспортын бүтээгдэхүүний тоо хэмжээ, чанар, агууламжийг үйлдвэрлэгчээс хилээр гарах хүртэл, импортын бүтээгдэхүүнийг эцсийн хэрэглэгч хүртэл татварын удирдлагын нэгдсэн систем болон гаалийн мэдээллийн системд тулгуурлан бүртгэх программ хангамжийг хөгжүүлж, олон улсын стандартад нийцсэн зураасан код ашиглан татварын цахим төлбөрийн баримтын систем нэвтрүүлэх”-ийг Татварын ерөнхий газар, Гаалийн ерөнхий газар болон Санхүүгийн мэдээллийн технологийн төв УТҮГ-т тус тус даалгаснаар уг системийг хөгжүүлж нэвтрүүлсэн.

        Монгол улсын гаалийн төв лаборатори экспорт, импортын бүх бүтээгдэхүүний дээжид холбогдох тоног төхөөрөмжөөр шинжилгээ хийж үр дүнг автоматаар бүртгэх, боловсруулах, тооцоолол хийх, хяналт тавих боломжийг бүрдүүлэн БНХАУ-ын магадлан итгэмжлэлийн үнэлгээнд орж Олон улсад магадлан итгэмжлэгдсэн лаборатори болсон.
     

Манай байгууллага уг системийг 2021 оноос эхлэн үе шаттайгаар хөгжүүлж дараах бүтээгдэхүүнд шинжилгээ хийх боломжийг бүрдүүлсэн.

          2021 онд (Нүүрс, нүүрсний бүтээгдэхүүн)

          2022 онд (Хүдэр, баяжмалууд)

                          (Газрын тосны бүтээгдэхүүн)

          2023 онд (Тамхи, тамхины бүтээгдэхүүн)

                          (Химийн бодис, бэлдмэлүүн)

                          (Мансууруулах болон сэтгэцэд нөлөөт бодис)

                          (Ноос ноолуур, малын гаралтай ширхэгт, утас, ээрмэл, нэхмэл, сүлжмэл бүтээгдэхүүн)

                          (Согтууруулах ундааны төрлийн бүтээгдэхүүн)

          2024 онд (Хүнсний ногоо, жимс жимсгэнэ)

СМТТ УТҮГ-ын Систем хөгжүүлэлтийн алба, Систем нэвтрүүлэлтийн албаны холбогдох мэргэжилтнүүд системийг хөгжүүлэх ажлыг гүйцэтгэж, Гаалийн төв лабораторийн байцаагч нартай хамтран дараах салбар лабораториудад уг системийг нэвтрүүлсэн.

          2023 онд:

·         Өмнөговь аймаг Гашуун сухайт Оюу толгой салбар лаборатори

·         Дорнод аймаг салбар болон Баянхошуу боомт дахь салбар лаборатори

·         Баян-өлгий аймаг-Цагаан нуур боомт дахь салбар лаборатори

·         Дорноговь аймаг-Сайншанд салбар лаборатори

·         Орхон аймаг салбар лаборатори                                                                                                                        2024 онд:

·         Дорноговь аймаг-Замын-Үүд салбар лаборатори 

·         Төв аймаг-Чингис хаан олон улсын нисэх буудал дахь салбар лаборатори  

·         Сэлэнгэ аймаг салбар лаборатори

Лабораторийн удирдлагын нэгдсэн систем (LIMS) нь үйл ажиллагааг оновчтой болгох, өгөгдлийн нарийвчлалыг нэмэгдүүлэх, шинжилгээ хийх шинжээчийг автоматаар хуваарилах зэрэг олон давуу талуудыг олгож байна.